E-book
Digital Version
Download | NO Copy/paste | Printing (5)

Novas narrativas na historia da arte contemporánea : actas do seminario celebrado no Centro Galego de Arte ContemporáneaSantiago de Compostela, 24-25 de novembro 2017

2020 - Universidade de Santiago de Compostela

282 p. : ill.

  • Includes bibliographical references.
  • Os días 24 e 25 de novembro de 2017 tivo lugar, no Centro Galego de Arte Contemporánea (CGAC), o seminario Novas Narrativas na Historia da Arte Contemporánea, un lugar de encontro pensado para debater sobre os argumentos que ordenaron a disciplina da historia da arte e para propoñer outras achegas que discutan eses relatos canónicos. Durante as xornadas abordamos os obxectos e os métodos de análise da Historia da Arte desde outros puntos de vista, con participantes que traballan no ámbito académico, máis tamén con investigadoras e investigadores independentes, e axentes que traballan dende a práctica curatorial e dende o museo, tentando integrar metodoloxías doutras disciplinas e referentes «periféricos» ou esquecidos.
  • Nesta publicación, que recolle as conferencias e relatorios do seminario Novas Narrativas na Historia da Arte Contemporánea, achéganse algunhas das cuestións que están a provocar, nos últimos anos, unha reorientación nos estudos que abordan o fenómeno da «obra de arte» dende outras posicións, superando os límites disciplinarios tradicionais. Existe unha historia da arte construída desde espazos de poder, un privilexio epistémico e unha historiografía que construíu os relatos hexemónicos e subalternizou outros lugares.
  • Como resposta, nas xornadas e nesta publicación, tentamos abordar outras perspectivas para revisar e reescribir as lóxicas asumidas, eses paradigmas instituídos, e esas relacións entre centros e periferias que dende hai un tempo tentan desmontarse dende o ámbito dos estudos decoloniais, os feminismos, os estudos culturais e visuais ou dende a crítica institucional e o novo institucionalismo. Que ferramentas teóricas e analíticas poderían renovar as estratexias e metodoloxías de abordaxe do obxecto artístico, ampliando o campo de estudio tradicional da «obra de arte»? [Texto da editorial]
  • Contributions in Spanish and Galician, one in Portuguese.
  • Proceedings of a seminar held in Santiago de Compostela, Spain, November 24-25, 2017.
  • Online only available